طبعا انا قلتلكم قبل كده ان محدش يعرف اني عندي مدونه اصلا ولو نسيتو انزلو لتحت واقرؤ المهم
انا اتهورت النهارده واديت اللينك لاخت انتيمتي وطبعا انا كده اخترت الشخصيه الصح جداققرو تحت وانتو حتعرفو ليه
ولحسن حظي
الفظيع
انتيمتي كانت جنبها وبتقرا
وعلي غير توقعاتي الخطيره واللي دايما بتطلع صح طبعا
المدونه عجبتها
الي ان حدثت الطاااااااااااامه الكبري
قرت اللي انا كتباه عنها
معرفش زعلت ولا لا بس مخدش الموضوع معاها كتير
وبكده يبقي مع قدوم اول زائر للمدونه
هلت المصائب
السؤال ؟؟؟؟؟؟
المدونه لو انتشرت زياده
كام مشكله حتحصل
وبعد كده اتسحب من لساني واكتب اللي نفسي فيه
ولا اتكتم احسن
ماهو انا لو كنت سكت وبطلت اكتب اللي ف نفسي مكنش حصل اللي حصل
اقولكم
حكتب اللي ف نفسي
وزي متيجي تيجي
وانا واثقه ان مفيش مصايب تاني
حزرو فزرو ليه
عشان مش حيبقي في زوار تاني
انقطع الزوار علي يد اول زائر
وربنا يستر
انا عارفه لساني
مع تحيات
مدونه بلا زوار
من غير تريقه الصوره اللي فوق
i miss you
للزوار
هناك 5 تعليقات:
صورة البروفيل تخصك ؟
ههههههههههههههه
انا هقولك مثل قديم بيقول
لسانك حصانك ان صنته صانك
هههههههههههههههههههه
مداونه جميلة ومش هتنقطع من الزوار
تحياتي
الانتقاد شئ كويس لو كان فى محله بس للاسف احنا مش متعودين انه حد ينتقدنا فبنزعل وبناخد على خاطرنا وده تفكير عقيم
متقوليش انها مدونة بلا زوار لانه بالطبيعى لازم يكون فيه زوار علشان حاجات كتير يعنى على ما اظن الاهم رأيهم فى المحتويات وفى اشخاص كتير من الممكن يكونوا لينا اصدقاء
تقبلى تحياتى
السلام عليكم ورحمة الله وبركاته
المدونات أصلا هدفها الرئيسي أنك تقولي اللى في نفسك
وطالما بتعملي ده بأسلوب كويس
يبقى استمري
وربنا يوفقك
تحياتي
بصي ايه اسوأ حاجة ممكن تحصل لما تقولي اللي في نفسك؟؟
يا عندليب قول كلمتك
احكي شكوتك وغني بلوتك
الكلمة مش راح تقتلك
لكن سكوتك يقتلك
انامش عارف احفظ الرباعية دي
بس قولي ولا يهمك بس خليكي مستعدة تناقشي وجهة نظرك وتعترفي بغلطك لو كنت غلط
إرسال تعليق