ازيكو
النهارده قررت ادي لينك المدونه لشخصيه اعرفها
عشان اعرف رايها ف اللي مكتوب
الغريب ان رايها صدمني فعلا
ايه يا هبه ده ده كلام واحده فاضيه مورهاش حاجه
مش حنكر واقول الكلام ماثرش فيا
لا انا زعلت وزعلت اوي كمان
يمكن يكون كلام واحده فاضيه
بس كلام كتبته وانا حاساه
فاضي بقي ولا لا
عبر عني ف وقت وخلاص
معرفش انا بكتب الموضوع ده ليه مع انه مش حلو ف حقي
بس انا عملت المدونه اصلا
عشان لما اعوز اكتب اكتب هنا وانتو تردو عليا
حتي لو كان اي موضوع
انا الموضوع ده مضايقني
الشخصيه دي شافت انه نقد وده من حقها
لكن انا كتير غيرها دخلو المدونه وعجبتهم حتي لو كانو بيجاملوني
فكرتي تحترم
صح
عاااااااااااااااااادي
ولا يهمني
حكمل كتابة الكلام الفاضي بتاعي
عادي
ولو معجبكمش ياريت تقولو ومتجملونيش
للعلم
الصوره اللي فوق مش عشان تمشي
مع الموضوع لا الشخصيه هي اللي بعتهالي
هناك 11 تعليقًا:
بصي هو اكيد الكلمه تجرح اوي وانا لو مكانك كنت زعلت من جوايا شوبه بس برضه لازم تعرفي انه الناس مش كلها اهتمامتها واحده يعني هي شايفه انه ده كلام فاضي وشايفه حاجه تانيه اهم
بس انا شخصيا عمري ما اعتبر ان ده كلام فاضي انا اي احساس بيمر عليا او بشوفه في بيحصل في حد قريب مني او حتى كمان لو مجرد فكره بحب افضفض عنها في ورق
بس انتي ما تضايقيش نفسك انا جيبت من قصيرها وما اديتهاش لحد اعرفه
كلام واحده فاضيه ؟؟؟
ايه الجمله غريبة المعالم دي ؟؟
يعني انا لو واحد دخل عندي يقول ان كلامي كلام واحد فاضي ؟؟
طيب ده انا في هندسة والله في هندسة وداخل على امتحانات ومش من النوعيه اللي بتنفض لا مشغول ومشغول جدا كمان
بس اعتقد ان في حاجة اسمها تنظيم الوقت وبصراحه انا شايف ان الوقت اللي بكتب فيه شعر او خواطر بيسعدني جدا كمان
بقيت انا واحد فاضي
مع احترامي لوجهة نظر الشخصية لكن انا مش مؤيده واعتقد انه مبيكتبش لا خواطر ولا شعر ولا بيقراهم اصلا فبالنسباله الكلام ده فاضي لكن الكلام اللي نابع من القلب عمره ماكان فراغ
استمري ياهبه ومش اي وجهة نظر لازم تكون صح ممكن نختلف مع بعض وممكن نتفق وهتشوفي ده قدام شوية هتلاقيكي كتبتي حاجة معجبتنيش وهكون معترض وبشده
احنا مبنجاملش هنا
هههههههههه
لا متخافيش بنجامل بس مش اوي يعني
تحياتي
بصي يا نجمة مدونتك دي المساحة بتاعتك
تقولي فيها كل اللي انت عايزة تقوليه بصرف النظر عن اراء الاخرين مش مهم هما يشوفوها فاضي ولا مليان المهم انك شايفاه كلام جميل وموزون
بصي ماتخليش اي كلام يهزك او يأثر فيكي
كنتي قوليلها طيب ايه هو الكلام المليان اللي انتي شايفاه
خليها تعمل مدونة ونشوف ابداعتها
بصي ولا يهمك ويا جبل ما يهزك ريح
اخوكي : مصطفي
- لوسمحتي تشيلي تأكيد الكلمة لسهولة التعليق
انا قرأتلك بعض التدوينات الاخري
بصي لو موضوع الزوا ردة فارق معاكي قوي
ممكن لو عندك وقت تتدخلي علي مدونات اكتر وتسيبي تعليق هنا وتعليق هناك وطبيعي هتلاقي الناس بتتدخل عندك علشان تشوفك
تحياتي ليكي وربنا يحققلك كل احلامك
زواري الاحباء
شكرا جدا ياساره وطولمانت بتزوريني مش حضايق
انا بقي للاسف اديتها لناس اعرفهم غلطه لن تتكرر
القلب الابيض
انا مش عارفه اسمك ايه بس مش مشكله
انا كمان خريجة هندسه يعني نص مش فاضيه وبشتغل كمان
انا حنتظر لما اكتب حاجه واعرف رايك
بس متجملنيش
اوك
ياجبل ميهزك ريح
صح
مصطفي انا متشكره جدا
ومعلش انا لسه جديده ف المدونات مختش بالي من موضوع التاكيد
بس شيلته
اما موضوع الزوار
انا اصلا كنت واخداه هزار
عادي
كلام فاضي
المشكلة ان كل حاجه بقت كلام فاضي لدرجة ان احنا منعرفش الكلام المليان فين
انا باديء من اربع سنين تقريبًا في موضوع الكتابة ده
وخدت اتهامات من نوعية اني عار على الادب العربي وان امثالي من أدوا الى انهيار اللغة ومن كتّاب كبار جدًا من اللى اساميهم علامات في مصر !
بس الحمد لله
حاليًا نفس الكتّاب بيقولوا ايه يا ابني الحلاوة ده .. انتا موهوب .. احنا هنخاف منك والخ الخ !
ده عشان استمريت بس
منكرش اني قرفت من القلم كتير بس من ساعة ما مسكته ومعرفتش اسيبه
بالعكس انا بقيت صايع وبلطجي دلوقتي في الكتاب .. مقال اكتب .. قصة اكتب . قصيدة اكتب ومحدش قادرلي !
مش غرور لا سمح الله .. لا والله انا بعتبر نفسي عبيط جدًا بس عرفت قواعد اللعبة .. نصاب مدعي للادب من الآخر
بس اللى عايز اقوله اني خدت وضعي
واثبت ان الكلام اللي بكتبه مش فاضي
وفعلاً لو كل الناس سمعت للي بيقولوا على كلامها فاضي مكانش حد كتب
ورينا جديدك
بصي
المدونة هي شايفاها كلام فاضي نتيجة اختلاف الاهتمام
بس ما دام انتي بكتابتك حسيتي حاجة
والكتابة عملت اللي انتي عايزاة
يبقى ما فيش مشكلة
كلمه تقيله فعلا و اسلوب جارح..عمر الصراحه ما كانت مرادف للوقاحه و ممكن جدا الواحد يقول رأيه من غير ما يضايق اللى قدامه...و لا يهمك
اسمعي يا هبووش بما انو اسمك زي اسمي فانا معاكي في كل كلمه قلتيها...كلامك حلو وكلو احساس والمدونه دي ملكك انتي تكتبي فيها اللي انتي عايزاه وحاسه فيه... وتفضفضي فيها همومك لانو طبعاً في هاذا الزمن محد بيسمع لهموم حد لان الكل شايف نفسو انو مو مكلف انو ينكد على نفسو ويسمع مشاكل الناس و ممكن الناس يشوفو هاذا كلام فاضي في الوقت اللي انتي بيكون هاذا الكلام بيعنيلك كثير يعني لا تهتمي لكلام احد افضلي اكتبي دايماً ولا تتوقفي مهما كانت الآراء... صح انو هاذي اول زياره ليه للمدونه بس انشاالله ماراح تكون آخر زياره..ودمتي بخير
إرسال تعليق