ازيكو
بما ان بكره يوم الخميس
فقلت الحق احكلكو اللي حصل ف الخميس اللي فات
عشان منساش لان بكره انسو اني اكون موجوده اصلا
المهم
أغلب الناس مش مصدقين ان العيله لسه ليها باقي
والله لسه الفرع اللي ف القاهره كله
وهم عمي وزوجته العزيزه طبعا
أبله هناء وجوزها الله يخليه(أصله مبيجيش غير قليل) وولادها التلاته وبلاش نقول اساميهم اصلهم بيجو ع السيره
شرين وجوزها الله يخليه هو كمان( للعلم جوزها يبقي اخو جوز ابله هناء) وبنتينها ولله الحمد هي زودت العيله فرد كمان من يومين
ربنا يستر
وشيماء
من غير جوزها (وبما ان فرحها قريب(يالهوييييييييييييييييييييييييي) حيبقي في جوزها)
واشرف وزوجته اللي هي تبقي بنت عمي اصلا قلتلكو انا الموضوع ده ومعاهم روفيدا ومحمد
دول اللي ف القاهره
يوووووووووووووووووووووووووه
نسيتوني
لسه مرات عمي (عايش ) من هنا فالبلد وولادها التلاته
بس الحق يتقال الست مش بتيجي غير ف المناسبات السعيده
يعني
انا تعبانه
ماما مش قادره تتحرك
بابا راح لاربع دكاتره
وطبعا النجاح والافراح برده
كده يبقي العيله فول اوبشنوتقريبا مش ناسيه حد ( لو افتكرت حقولكو)
نبدا ف الاحداث
اصحو كده وفنجلو عنيكو وطقطقاو ودانكو ماشي
طهقانه ومفروسه انتو اهم اتنين لازم تركزو عشان تقولو رايكو
طبعا اول مكل دول بيجو ممنوع
ممنوع منعا باااااااااااااااااااااتا اني المس الكمبيوتر
وياسلام بقي
ياسلام ماما تلمحني كده معديه جنب اوطي
ازاي وازاي العيله كلهم هنا وانا سيباهم يقولو ايه معرفتش تربيني
ماعلينا بلاش الكمبيوتر هي يعني مصر حتقف
تعالي علي نفسك يابت
انا وعزه واخدين ركن ومش بننطق ولو اتكلمت يبقي لازم حعك عشان حقول راي وهو بصراحه مبيعجبش غير سوسو الله يكرمها ( عمتو)
طيب انا بعمل ايه.......................؟
عزه وانجي بيتكلمو ف المكياج وانا مبفهمش فيه
بابا وباقي العيله بيتكلمو ف حوار غالبا ببقي عاوزه اقول راي بس بتكتم عشان متقلبش بخناقه بيني وبين زيزي عمتو
قوم احط ف بوقي جزمه واتكتم احسن صح
وياتي الوقت الموعود
العشاااااااااااااااااااااااااااااااااااااااء
ومين بقي المزغوده ف قلبها اللي مورهاش حاجه هوبه حبيبة الجماهير
ماما الله يكرم اصلها ويباركلها بتحضر الاكل
بس المشكله ف اللي هي بتنسي تجيبه
وهو كالتالي
عمتو سوسو تبدا
هبه هاتي لمونه
هبه هاتي قزازة مايه(ولازم تكون مقفوله )ليه معرفش مانا كده كده جايبه كبايه
هبه الملح
هبه في عيش ف التلاجه سخنيه
هبه الخيار خلص قطعي وهاتي
وميمنعش طبعا ان الوليمه يكون فيها فول وطعميه ومولوخيه عمتو بتموت فيها ياعمتو مولوخيه الساعه 12 حرام
اسكت يا بت انت بتفهمي حاجه
تسكت النزغوده( انا يعني)
خلصو الاكل لـــــــــــــــــــــــــــولي
الشـــــــــــــــــــــــاي ودي اكتر مرحله بكرها
عمتو هبه الشاي معلقه ونص سكر ونص معله شاي ومتقلبهوش ( ليه معرفش)
عمتو زيزي اغسلي اديكي يا هبه ( وانا اصلا غسلاها والله)
ابله امول لالالالالالالالالالالالالالالالالالالالا مبحبش الشاي( احسن برده ف سري)لكن من بره ليه كده ياامول دانا عليا كبايه شاي تحفه
المهم يرسي الحوار علي 7 كبايات شاي موكن من ايد الهانم اللي هو انا
وبعدها نبدا رحله الزنوب
عمتو سوس تنجعص وتاخد الوضع لبدايه رحله سيرة الناس
بصراحه زيزي عاقله تقول حرااااااااااااااام
لكن مين عديكو لو واحده ولا واحد مضايقها ولا فاقع مررتها وهما كتير للاسف تبقي امه داعيه عليه ف ليله قدر( ومش حرام ولا حاجه صح)
للعلم
الاطفال موجودين ف اوطي قاعدين ع الكمبيوتر بتاااااااااعي وكل شويه هبه لودي مش راضي يخليني العب
هبه امير بيجيب العاب من ع النت وانا عاوز العب طرزان
وتستمر المسيره وكان حل مشكله الشرق الاوسط انهم يقولو كلمه واحده
هبه
ينتهي اليوم الساعه الثانيه صباحا
والله بيبقي يوم حلو بس بخرج منه كاره كلمه واحده بس تعتقدو ايه هي
هبه
مع تحياتي
لاحلي عيله ف الدنيا
والله بحبكو
هناك 10 تعليقات:
ايه ده اول مرة ازوركو الاقي نفسي اول تعليق كمان دي بشرة طيبة لصداقة مستمرة ان شاء الله بس قبل ما كمل هببببببه اعملي واحد شويه :))
تدوينة و اقعية و زي العسل فكرتني بذكريات شبابي ... المستمر طبعا بس اسمحس لي أخد دور ماما و اقول لك لما كنت صغننه كانت ماما بتعمل كل ده لوحدها زي كده صح ؟؟؟ قومي ناولني بقي سندوتش فول و شوية مخلل و جهزي الحاجة الساقعة :))))))
سلام بقي
بالحق لو سمحتي اغسلي ايدك الاول
احنا كمان عندنا نفس التجمع
و فعلا الششششششششششششششااااااااااىىىىى
هو المشكله...انا باعتبره عمل عبقرى انك تقدرى تجيبى الشاى لكل واحد زى ما يحب و سخن كمان!!!!
شدى حيلك
و كمان ملوخية ؟
مع الفول والطعمية والمخلل .. فيه ايه أحلى من كده ؟
على فكرة .. أجمل حاجة فى الدنيا .. اللمة عالبط .. قصدى عالاكل .. إن شالله لقمة بدقة ..
بصلة المحب خروف ..
تحياتى والى خميس آخر ان شاء الله
ام احمد انا ليا الشرف انك تزوريني
بس والله
غاسله اديا
والله
اديني شداه يامهره
بس ادعيلي
شريف
زائري العزيز
موضوع البط ده انساه
انا ما بحبش الشاي
بس ما دام من ايدك ما فيش مشكلة
p-:
اسلوبك رائع في سرد القصة
انا ما بحبش الشاي
بس ما دام من ايدك ما فيش مشكلة
p-:
اسلوبك رائع في سرد القصة
السلام عليكم
بجد قصه جامده لانها بجد بتحصل فى كل البيوت وربنا يكرمك وتفرحى بعلتك دايما
يخرب بيت عقلك الساعة عندي داخلة على 2 باليل
وانا منفجلة عنيا ومش راضية غير لما اقرا البوست حيوصل لفين
كنت عايزة اشوف اخرت صبرك ايه؟ اكتشفت ان اخره صبري
بس ضحكت من قلبي ياهبة
اه اسفة
ابقي غيري اسمك
قريت البوستين
دا والاخير
مع اني مش شاربة اي منبهات
بس كلامك عسل وبيفقع من الضحك
سلام بقى خلينا ننام
داهية فلي اخترعو النت من الموبايلات بس تعرفي اهي طريقة تخمي بيها امك وتتسلي بيه فوقت نميمة عمتك بدل متتفقعي
تصبحي على خير
إرسال تعليق