يوم ميلاد أغلي الحبايب
يوم ميلاد حبي الجميل
أهدي عمري وحبي ليكي
ف يوم ميلادك لا بديل
يا حبيبت قلب بابا
الميلاد دا يبقي كام
لو كبرتي عندك انت
اما عندي بنت عام
إنتي اللي ف عيوني بتحبي
إنتي اللي علي كتفي بتبكي
إنتي اللي بضمك ف حضني
لو ف يوم محتاج انام
ياحبيبت قلب بابا الميلاد دا يبقي كام
هوب ( اللي هو انا يعني) حبيبت قلب بابا
اكبري عام بعد عام
مش بسنك لا بعلمك نجري نوصل للأمام
نفسي أشوفك نور لعيني
لو صادفت يوم ظلام
نفسي أشوفك يوم لساني
لو عجزت عن الكلام
نفسي تبقي بلسمي
لو صدفت ف يوم ألالام
نحتفل بميلاد ولادك
يومها عمري يبقي كام
بقلم والدي العزيز
للعلم دي كانت بمناسبة عيد ميلادي
هناك 5 تعليقات:
بجد مش عارفه ممكن اقول ايه
القصيده اكتر من كلمه روعه بكتير
حقيقي باباكي بيكتبكويس جدا واحلى حاجه طريه ترجمه لاحساسه
ربنا يخليهولك يارب وما يحرمكم من بعض ابدا
هبه مجيد
نورتي مدونتي
ومدونتك جميله وكلامك بصراحه هايل وتشبيهاته جميله عجبني اسلوبك صريح مش متلخبط مش كلام فاضي ولا حاجه
متضايقيش كملي عادي وانا معاكي
دريم
ههههههههههههههه
طلعت أوت اعتبري الكلام اللي فات ده موجه لبابا
مش ليكي هههههههههههههه
حكتبلك كومنت في حاجه تانيه
كل سنة وانتي طيبة
وطبعا والدك زي اي شاعر كبير
مش محتاجة رأيي في كلامه واسلوبه
ايه عيلة الشعراء دي !
ما شاء الله
العيلة كلها مواهب الظاهر
و يا بختك بوالدك
ربنا يخليهولك يا رب
إرسال تعليق