يوم ماتندم اوعي ترجع
حتلاقيني بقلب تاني
بعد زرعك شوك بيطلع
وان لمسته انت اللي جاني
لو ندمت ف يوم وجيتني
قلبي لابيض حتلاقيه
فاتو لونه مع اللي فاتني
والسواد اصبح ماليه
بعد املي وفرحي بيك
شوفت غدر الدنيا فيك
مش بايدي كرهت نفسي
والامل بقي هو يأسي
واللي يزرع شوك بيجمع
وانت يوم حتكون مكاني
يوم ماتندم اوعي ترجع
حتلاقيني بقلب تاني
نبض قلبي كان زمان
فيه اماني وفيه حنان
والنهارده خلاص يا عمري
قصدي يا عمري اللي كان
النهارده بعيش سنين
فيها صبار الأنين
والليالي تطول عليا
والدموع تجري ف عنيا
والقي صرخه ف قلبي تسمع
صرخه مكتومه ف لساني
يوم متندم اوعي ترجع
حتلقيني بقلب تاني
للعلم
القصيده بقلم
عمتو
اللي هي اخت بابا
هناك 9 تعليقات:
مش عارف اقول ايه تحفه تمشي ؟؟
وله رائع وله ابداع وله اقول ايه ؟
بصي بأه اعتقد ان الواحد سهل يتغير من ناحية حد وخصوصا لو كان بيعزه قوي واتجرح منه اوي
وانا متفق معاكي في ان يوم ماتندم اوعى ترجع هتلاقيني بقلب تاني
اما الشعر والحاله الشعرية راشعه بس ليا تعليق صغير
بعد زرعك شوك بيطلع
وان لمسته انت اللي جاني
اللي عجبني في الشعر ده ان خفيف وانا بحب الشعر الخفيف قوي
بس جملة انت اللي جاني تقيله جدا وحمل عالي بالنسبة لبقيت الشعر
اعتقد ممكن تقولي
وان لمسته تبأه جاني
على طول كده تبأه خفيفه
وانا اسمي محمد
وانتم السابقون ونحن اللاحقون
تحياتي
محمد مش انا اللي كتبها دي عمتو
وع العموم حوصلها رايك
انا حطيتها
لاني حسيت كلامها اوي
اللهم صلي على كامل النور
كلام جميل جدًا
ابداع فعلاً
القصيدة جميلة واحلى حاجه فيها ان الوجع والكآبة مش زايدين عن الحد كجميع قصائد مصر
ما شاء الله
رائع
قولي لعمتو تستمر
واضح ان العيلة ما شاء الله
الله ينور
بجد كلامه خفيف
وسهل يتحس
الله ينور
بجد الكلام خفيف وجميل ومحسوس جدا
بينها الاسره كلها موهوبه
بصي عميتك كتاباتها جميله جدا واسلوبها كمان
بس الصراحه عجبني اسلوب باباكي اكتر حسيته قريب لقلبي اكتر
مرسي يا هبه على نشرك لده
وتحياتي ليكي
مدونه اكتر من رائعه
مدونه اكتر من رائعه
بسم الله
اولا المدونه رائعه وجميله جدا
ثانيا البوست هايل وبجد عمتك الى هى اخت باباكى موهووووووووبه اعمل ليها كتاب
تحياتى
جيلان
كوارث
شكرا جدا
وانا مبسوطه انها عجبتك
إرسال تعليق