ازيكو زواري الاحباء
مش عارفه اقولكو ايه
مزهوله ممكن
مبسوطه يجوز
عندي .........
مش عارفه
المهم
ابطل رغي وادخل ف الموضوع
النهارده انا شرفت الاخت مفروسه بالزياره طبعا
وهي ماشاء الله مدونتها عجباااااااااااااااااااااني جدا
اللي عملي حاله الزهول اللي انا فيها
هي علاقة البلوجين ببعض
يعني مثلا
مدام مفروسه
قعدت تعد صحابها اللي انا معرفش فيهم ناس كتير
وحفظاهم زي ميكونو اخواتها
انا مش بحسدهم لاسمح الله انا بنق بس
خيخه
رئيس جمهورية نفسه اللي هو اخو حد من البلوجين بس مين مش عارفه
طهقانه
والخ
انا حتي مش فاكراهم
انا يدوب
عارفه
سونسه
وساره
وشريف
وتامر
والله نسيت الباقي
وطبعا منساش الست اللي عملالي قلبنان ف دماغي
خالتي فرنسا
انا من كتر مانتو بتكتبو عنها
حد يكسب فيا ثواب ويقولي هي مين
كل الناس بتطالب بعودتها
واخيرا هي رجعت
طب عرفو منين انها رجعت
مش عــــــــــــــــارفه
بس بما انهم طالبو بعودتها اكيد هي تستاهل
يووووووووه
انا اتلغبط
المهم انا عجبني اوي احساس انكو عيله واحده و عارفين بعض
انا مبسوطه جدا اني انضميت ليكو
اي نعم انا انضميت مش بمزاجكو
بس اهوه انضميت وخلاص
امركو لله......................
امضاء
مواطن بلوجي جديد
ملحوظه :
انا نسيت طبعا سهوا اضيف
white heart
من الناس المهمه اللي بزورهمناسف علي السهو
هناك 6 تعليقات:
مرحب بيكى معانا
بصى انا بلوجى مش جديد و مش قديم
داخل على السبع شهور برد على المدونين و المدونين بيردوا عليا
بس مش عارف ليه منغلق على نفسى
و معرفش ده بمزاجى ولا لأ
اعرف ناس كتير لكن فقط على المدونات مش على الايميلات
يمكن بس الى على الايميل اشرف توفيق صاحب مدونه اخف دم و مروه الزراع و تقريباً نادراً لما بقابلهم كمان
بس بفرح لما بلاقى فعلاً عائلات من المدونات بحس انهم اكتر من اخوات
و بتخلينى افكر انهى موضوع الانغلاق ده
و منوره
أومال لوكنتي جيتي بقي في حفل توقيع الكتاب بتاع مدونات مصرية للجيب
وتشوفينا وأحنا بنسلم علي بعض أكننا نعرف بعض من زمان
وهي كانت أول مرة نشوف بعض فيها
كان حتة يوم
عزيزتي
اولا اسمحيلي ارحب بيكي في بدايه دخولك عالم التدوين و اكيد انتي بقيتي واحده من العيله و اعتبرينا كلنا اخواتك
اجمل حاجه في التدوين اننا بنعبر عن نفسنا و اللي جوانا و بنلاقي نقاش بينا و ده شئ كويس لأننا اكيد بنستفيد من التعليقات ديه و اصحابها و ممكن يدوا ابعاد تانيه لموضوعاتنا
انشاء الله تستمتعي بعالم التدوين و مستنيين جديدك و علي فكره اغنيه فيروز بتعقد بموت فيها بحييكي علي اختيارك الرقيق و يالا بقه ابتدي اكتبي كلنا مستنيين
:)تحياتي ليكي عزيزتي
هو عندك حق انا كمان بنبسط جدا لما الاقي مدونات كانهم اخوات فيها
بس انا برضه من النوع اللي ما بقيتش كده اوي يمكن لاني منغلقه شويه مع نفسي
بس هو اكيد احساس جميل
تحياتي ليكي يا قمر
صغير
---------
نسيت اقولك خالتك فرنسا بيتها حتلاقيه على اول ناصيه و انتى داخله شارع التدوين على البحر و قباله حتلاقى بيت عبد بيه الرايق
اما العناوين بالتفصيل حتدخلى عند عبده بيه الرايق بس اياكى تغلطى و تدخلى ايدك فاضيه يقطعك حتت و عنده حتلاقى عنوان خالتك فرنسا
بس لمل تروحيلها خليكى خفيفه علشان هيه لسه عامله عمليه فى ضهرها
و زمان قالوا يابخت من زار و خفف
ههههه
يعني انا منلتش حظ الزيارة دي طيب ماشي مشكلة سماح المرة دي
عموما هوه فعلا التدوين مليان عائلات وان شاء الله تكوني في احدى العائلات دي
تقبلي تحياتي
إرسال تعليق